കഞ്ചാവ് മണക്കുന്ന പെണ്ണിനെ കെട്ടണം
November 19, 2016
എനിക്കു നിന്റെ തീണ്ടാരി പാത്രമാവണം..
ചെമ്പരത്തിയും ഗുൽമോഹറും ചെമ്പനീറും
നിറം കൊടുത്ത ചോപ്പിനെ ഏറ്റു വാങ്ങണം !
രഹസ്യങ്ങളിലേക്ക് ഇറങ്ങി വന്നു
മറഞ്ഞിരുന്ന വിഹ്വലതകളെ നിറച്ചിറങ്ങി പോണം...
ഒതുങ്ങികൂടലിന്റെ സിന്ദൂരം പറന്നിറങ്ങാത്ത വഴികളിൽ,
പടരാത്ത അരക്ഷിതത്വത്തിൽ,
നിന്റെ ഒപ്പം ആരുമറിയാതെ നടക്കണം..
മഴ നനഞ്ഞും വെയിൽ കൊണ്ടും ചീറി പാഞ്ഞും
നീ എന്നെ മറക്കണം !
ആ മറവിയിലാകും എന്റെ പ്രണയം ചോക്കുക.. പൂക്കുക..
തുളുമ്പാതെ ഒഴുകിയകലാൻ കാത്തുനിൽക്കുക...!!
(തിരുത്തുകൾ നിറഞ്ഞ തുരുത്തിൽ നിന്നും...!!)
അഭിപ്രായങ്ങള്‍
ഒരു അഭിപ്രായം പോസ്റ്റ് ചെയ്യൂ